[الخنساء]

المشاركة الأصلية كتبت بواسطة داعي الشوق

حسبي عليكم عواذل لا تزيدوني = حلفت ما اسمع لكم لو طالت ايامي
لا تكثرون الجدل بالله خلوني = خلوني أعيش وارسم باقي احلامي
أحلام حبٍ بنيته عند مزيوني = على الصفاء والوفاء متأسس وسامي
أنتم سبب كل عاشق صار مغبوني = اصبح ضحية كلام و قول نمامي
منكم ترا بالهوى قد شابت عيوني = منكم جريح الهوى في جدل وخصامي
درب الهوى يا عواذل درب ماموني = فيه الولايف تسير بذوق ونظامي
الكل مغرم بنار الحب مفتوني = خلان والشوق ممدودٍ و مترامي
ولا يعكره كود اللي يعذلوني = اللي على اهل الهوى اسلوبهم دامي
وانا وحبيبي غمرنا الحب بجنوني = متبادلين الغلا والحب بهيامي
والله من عذلنا ما تستطيعوني = حبي وحبه وثيق العهد والزامي
عهدٍ مع الزين ما خونه ولا يخوني = لو كان عشنا الدهر و الحظ ما قامي
قلبي وقلبه ولايف كان توحوني = يا هل الهوى بلّـغوا من كان لوامي

صح لسانك واعتلا شانك
قصيدة جزلة من شاعر متمكن
سلمت ودام حرفك