[الخنساء]

المشاركة الأصلية كتبت بواسطة محمد المزيريب

(
)
(
)

العين ما نامت لها شهور وسنيـن=تبي الخلاص اليوم بأيـت طريقـه
اسهر وكل الناس في نوم غافيـن=وانا بهاك الصوب فينـي حريقـه
فيني مصيبة شيخ ماجـرب الديـن=كل العرب تنصاه لا جـاه ضيقـه
حتى انقرد واصبح فقيًر ومسكيـن=محدن يجيه اليوم ولو جف ريقـه
من لا يحشم الناس في ذمتي ليـن=يلقى المذمه والنكـد فـي طريقـه
مالك ومال النايفه ياحمـر العيـن=مالك ومال الـدم يومـك تريقـه
ان كانها بالشعر تلقـى بساتيـن=تلقى المراكب في بحوري غريقـه
وان كانها بالطيب ربعي مياميـن=وان كانها بالعـز شمـر عريقـه
الله يرحمنـا ويخـزي الشياطيـن=اللـي تـدور للطلايـب طريقـه
ابترك الذكرى ولو خاطري شيـن=هذا النكد يا صاحبـي مـا اطيقـه
كم لي وانا اساهرك وادمع العيـن=وابكي على بيتك وذيـك الحديقـه
وينك يا صاح اليوم وينك وانا وين=فيك انطفت نجمـه تـلالا بريقـه
نسيت ذالك الحب وتجيني الحيـن=وتزيد فوق الهم عتمـه وضيقـه
الله يسمح دربـك اليـوم وتليـن=وترجع علاقتنـا علاقـه وثيقـه

محمد المزيريب

صح لسانك واعتلا شانك
قصيدة جزلة من شاعر متمكن
سلمت ودام حرفك