اقتباس:
المشاركة الأصلية كتبت بواسطة ابو أنس
للتواصل المحبب معكم وللوصول الى ذوائقكم الراقيه
أضع هذا النص
ياليت الدمع له محبس أصكه والحسود يموت=يموت من القهر مايعرف اللي داخل ضلوعي
ابجمع حزني وشوقي واباجمع فكري المشتوت=وابا اضحك في وجيه الناس واشرب مالح دموعي
ابي منهو يعايشني يقول اني انا المبخوت=ويتمنى يجي مثلي ولايدري عن صدوعي
اعيش بحزني لوحدي وذا همي وانا المشموت=اذا ما بحت بالسده غدا علمي مهو طوعي
اسامر صافي القمرا واناجي بعدها بالصوت=أجر آهاتي الحرّا واظن الصوت مسموعي
وأحاسب نفسي بنفسي واقول الحزن مابه فوت=يفوت العمر واحزان القلوب افراد وجموعي
احرك كل من حولي وانا في داخلي مبهوت=اخاف عيون تكشف داخلي والقلب مشلوعي
|
كما وعدت واسف على التاخير
الا يا ناثر اجْروحك
لو ان الدمع ِ له محبس يِهِدّ القلب ايذوق الموت=الا يا ناثر اجْروحك تِرفق داخل اضلوعي
لنا شفت الامر مزعج حقيقة علم ِ لك مبخوت=غسيل العين من سم ٍ خَلق ربي حسن طوعي
تظن الدمع ِ لك عِلّه ابد يا قلبنا المشتوت=سعيد الحظ ِمن يبكي يزيح الهم ِبدموعي
ترى حزن وفرح عاد ٍ دَلال الطيب عرق التوت=الا يا ناثر اوجانك عبير الورد لك دوعي
ابرسل لك عيون الصمت تِعاين قلبكم وتفوت=صميم الوجد ِفي حلم ٍ ابكتم . خِبرك اسموعي
اقلك شيّ من داخل صريخك خلّه عال الصوت =قبل دمعاتكم تنزل تِقاهر من حسد شوعي
الين الصبر اهديكم صبر يونس في بَطْن الحوت=لانك غالي من غال ٍ أرد الحرف ِ مجموعي
وانا شِفت الرجال البيد تِصب الدمعِ يوم ابهوت=تصب الدمع ِمن نار ٍ قهر يا شاعراسبوعي
ترى حَر الدمع عاصِف كما نقش ٍ لصخر انحوت= يجي بالخد ما يهدى الين الظيم متبوعي
واقلك شي عن شيب ٍ تِرافق ويا حزن القوت = صبرت اسنين بهمومي واجدد له ونا جوعي
الين المهره لو تدري عذاب الروح كيف ابيوت= لا حي ٍ عايش ٍ فيها وانا يشهد ليا اربوعي
صبيب ٍ ادهى لي مُرّه تأبط شره لي بسكوت = وجيت اعلنها في جمع ٍ كلام ٍ طبعه مطبوعي
على صفح السواد اللي تعلل ليلنا المنبوت = على درب الشجن اقفى طليق ٍ شجرة افروعي
تغذت من عرق مالح لعين ٍ صبها مثبوت = في ذكر الريم متبوع ٍ صدع غار ٍ لمصدوعي
تظن انك وحيد الكون زَنَق دنيا غلبها الشوت = الا يا خوفِ مرسول ٍ تِعلم حكمة النوعي
مصيرك تحجب ادموعك ابد ما كنت ناوي الموت= ابد يا زين مكتوب ٍعليق الروح مشبوعي
مدام الحب في قلب ٍ ختم عشق ٍدعاوي كروت= لعرس ٍ داعَ في موت ٍ كَفن ابيض لنا اشروعي