مصافحه أولى
(
)
(
)
الحـزن يكتبنـي متاهـات ودروب=والليل يحكـي قصـة الهـم فينـي
النفس تابت وانت ياصاحبـي تـوب=وخل الحزن والهـم بينـك وبينـي
مغصوب دايم راعي الحق مغصـوب=يالله يالمـعـبـود لا تبتـلـيـنـي
والهاجس اللي داخل القلب منصـوب=ما اقدر على صده وتقصـر يدينـي
انا رضيت الهم واصبحت مسلـوب=وش حيلتـي والهـم دايـم يجينـي
اكتب مشاعر وافيه واسكب الكـوب=واشرب معاك الحب وانسى سنينـي
وابني جدار الحب طوبن ورى طوب=وانثر معاك الـورد وارفـع جبينـي
ابقى معاك بصوب والناس في صوب=واخذ همومك وانـت تاخـذ حنينـي
وتذوب لامنـي كتبتـك وانـا اذوب=وتصير في عيني ولو كنـت عينـي
ونروح ونشكل عصابـات وقـروب=وأهاجم العـذال وانـت تحمينـي
ونبكي على الاطلال في ساعة غروب=وأبكي على الدنيا وتسمـع ونينـي
النفس تابت مير قلبـي بـه ذنـوب=ماتوب غير اتوب وانـت تهدينـي؟
محمد المزيريب