يا يدين ٍ للمعاريف والفزعة جياع=افزعي مـع واحـد ٍ مـا يجـي رده جحـود
توني طالب انا بمدرسة دنيا المتاع=توني عرفـت ليـه السهـو عقبـه سجـود
ما يتوه راهي العقل والقلب الشجاع=غير من طيبـك تعـدى معـه كـل الحـدود
واسمه بالطيب أنا من الذراع إلى الذراع=والله انه من فعولي من الغيـر محسـود
مقتنع به اول الوقت أنا كل أقتناع=ومن هـرج بـه قلـت وراك يامسلـم حقـود
كنت أظنه درة ٍ من يدي صعبة ضياع=كل ما تبطي مـع الوقـت غلاهـا يـزود
ماتوقعت المصالح تجي بثوب الخداع=لين شفت أم المصالح غلـت عقـب البـرود
يوم رسم لي زماني خفيات الطباع=ثار فكري عقـب ماكـان فـي حالـة ركـود
كان يلبس في حضوره معي أروع قناع=ليش00 مدري00بس وشلون لطفك ياودود
مابخلت أذا طلب جبت فوق المستطاع=ماتحـرى منـه للـي أسـوي لـه ردود
كانت وعوده معايه ضياع ٍ في ضياع=تشبه آمال العـرب مـع مواعيـد اليهـود