[الخنساء]

المشاركة الأصلية كتبت بواسطة حرف وشعر

انا في الشعر قناص وحـروف القصيـد أوعـول=شوارد في بطون الشعر وانـا راعـي شواردهـا
اوردها بحور القاف واصدرهـا علـي المدلـول=وادون فـي معانيهـا سوانـح فـكـر قايـدهـا
ولوطالت علي الشعار وكانوا في القصيد افحـول=مرامي زولهـا ياصـاح انـا بالعـون صايدهـا
ويعجبنـي بديـع الشعـر ولايعجبنـي المعلـول=ويمم صفـوة القيفـان وورد مـن مواردهـا
واطرب يوم ياصلني من افحول الشعـر مرسـول=يقول احسنـت يامحمـد ويثنـي لـي محامدهـا
انا لاجل العيون السود نشرت الشعر عرض وطول=من اقصي ديرتي حتـي نواحـي مـن روافدها
لعين اللي يسامرنـي علـي سماعـة المحمـول=ويرسل لـي رسايـل شـوق تحرقنـي وقايدهـا
وحنـا ياعلـي لـولا وداد النايـفـات الـطـول=تركنـا الـود وادروبــه وجافيـنـا نكايـدهـا
لاكـن الهـوي جبـار والـزوم العـذاب يطـول=ومن يصبر علي الشـدات يسعـد فـي عوايدهـا
وانا لو مت ياخلـي يفنـي شخصـي المجهـول=ولاتفنـي حروفـي دام محـب لــي يـرددهـا
وبعض الناس ياخلـي يغـرك هرجـه المعسـول=ويخفي في ضميـره دوم طعـون السـم كايدهـا
وسم الغول ياخلـي يظهـر مـن لغـوب الغـول=وماهي مرجلـه لاكـن غوايـل فـي مقاصدهـا

صح لسانك مليون ولايكفون

جزلة من شاعر جزل

سلمت ودام حرفك