[الطائر المهاجر]

ودعتها واخفيت عنها الحقيقه

ودعتهـا واخفيـت عنـهـا الحقيـقـهخايـف عليهـا تنـصـدم بالفـراقـي

واقفيـت عنهـا بالجـروح العميقـهوبين العقل والقلـب زاد احتراقـي

حـب العواطـف لـو اخذنـا بريـقـهيذهـب مـع الأيـام ماهـوب بـاقـي

وحب العقل راسخ جذوره عريقـهمثـل الجبـل مـا هـزّه الاختـراقـي

نبعـه اصيـل و مــا تغـيـر رحيـقـهمثل العسل دايم بنفـس المذاقـي

والفقر لا منّـه دخـل فـي طريقـهفالحب يهـرب منـه عنـد التلاقـي

حبيتـهـا مــن دون افـكّـر دقيـقـهبين الـذي يمشـي وبيـن المعاقـي

بنـتٍ ربــت بالـعـزّ يـدّهـا طليـقـهصعبٍ تعيش وفـي يديهـا الوثاقـي

لـو جاملـت وتْحمّلـت كـل ضيقـهلابـد مــن يــومٍ يجيـهـا اختنـاقـي

مـن كلـمـة لـلأهـل ولاّ الصديـقـهترمي بهـا خـارج حـدود النطاقـي

حنّـا بعصـر الجـاه حــق وحقيـقـهنركـض وراه ولا خشينـا انـزلاقـي

يامـا انخدعنـا بالرجـل مـن بريقـهننظـر لجاهـه قبـل ديـن وخلاقـي

ولا احدٍ سأل عن مصدره والوثيقههو بالحلال او من حرام السياقـي

واللي ضعيف الحال محـدٍ يطيقـهلو هو كريم وشهم بالعقـل راقـي

لا يـا زمـن ضيّعـت كـل الخليـقـةوخليتهـم للجهـل شـارب وساقـي

وكـلٍ يعانـي مـا درى بـه رفيـقـهحتى غرقنـا .. ووحـده الله واقـي