بسم الله الرحمن الرحيم
السلام عليكم ورحمة الله وبركاته
أعــود ومعي هذا النص المتواضع ، ارجو ان ينال استحسانكم
:: لاتعجب ::
لالاتعجب من زمان العجايب = هذا زمن كلن به يقول انا ذيب
صار الوفاء يجزى بصعب الضرايب = لين اختفى بين الرجال المواديب
والطيب حتى ذكره اليوم غايب = معقول ماباقي بهذا الزمن طيب !
ياصاحبي ليش العجب والغرايب = ايه الزمن لخبط جميع المحاسيب
تلقى الصداقه تنتهي بالنوايب = تلقى حكيم القاف باع المكاتيب
تلقى الردي ساد وتعلى الرتايب = مثل الثعل يومه تعلّى المراقيب
ياماحلا العيشة بتحت النصايب = في وقتنا اللي كاد به طفلٍ يشيب
ماقلت لك ليش العجب والغرايب = هذا زمن كلن به يقول انا ذيب