[عرق الماس]

المشاركة الأصلية كتبت بواسطة فواز الغسلان

هذا اللون من الطواريق قليل واشهر من نظم عليه الشاعر

سليمان بن شريم رحمه الله في قصيدته الشهيره ومطلعها:

الله اكبر ياوليفي وانا وش بيدي000كلما عدلت واحد يميل الثاني

ليت من ذاق الـغـزال الـذي ماذيقي=قبل موتي في لـهـيـب الهوى واشواقه
ودي ارشف ريقها قـبـل ينشف ريقي=ويـل حـال اللي نحـاه الــزمن ماذاقـه
قبل شوقـه صـار عجـلٍ عـلـى تشويقي=والسبب روحٍ غدت للـهــوى منساقه
وقبل ريفي طحت اعاني قـهـر تعليقي=وخـافـقٍ فـي كل يـومٍ تشـين اخلاقه
زاد حـملي من ولـيـفـي على مااطـيـقي=يـوم صارت شوفـتـه لـلـعـيـون شـفاقه
بـس ادوهــج نـاقــلٍ دلـتــي وابـريـقـي=مع مـزونٍ بالـدجـــى لاح لــي بـراقــه
عـن ثـقـيـلٍ لا لـقـانــي فـتـح تحـقـيــقــي=هرجـتـه تطـعـن عـروق الحشى بأعماقه
والله اني طحت عقب السعه بالضيقي=كـلـمـا يـطــري لـقـلـبــي جـحـيـم فـراقه
دربـنــا غـربـي وخـلــي نـوى الـتـشـريقي=فرق عاصوف الشتاء عن دفى مشراقه
كيف اطلق صاحبٍ ما نـوى تطـلـيـقي=وكـيـف ابـوق الـلـي وفـى للهوى ماباقه
طحت مثل اللي لسيف العداله سيقي=ولا لقى وسط العرب من يـفـك وثاقه
ان بـغـى يكـفــخ بـقــيــد الـمـهــونـه عيقي=وان سكت ماله بسيـف الـمـنـايا طـاقه
وغـيــر رب الـعــرش ما للحشى تـوفـيـقي=هـو مـلاذ اللــي شكـى من غـرامٍ عـاقه

حضرة الشاعر فواز,,,

قصيدة جميلة جداً ,,غنية بالتعابير الرائعة

تسلم يدك,,ودمت بكل خير.