بسم الله الرحمن الرحيم
أسعد الله أوقاتكم بكل خير
بوح متواضع أضعه بين أحاسيسكم الشعريه الراقيه
وأتمنى أن ينال على جزء يسير منها
(
سمعت وناتي )
أرسلت لك ونات قلبي تناديك=وعادت تونون من جفاك وصدودك
جتني تقول الزين ماعاد يغليك=أقفى وخلى الجرح يمك يرودك
أعلن عليه اليوم قوة تحديك=وهات الكلام الي ينومس ردودك
خله عقب فرقاه يرجع يناجيك=خله يموت أيام يرجي ورودك
أعطه قوي الهرج ربي يخليك=وأعطه مع الهرجات صافي برودك
يرجع يونون يرجع الزين يرجيك=يرجع عقب مقفاه يرجع يعودك
وأن كان ماتقدر على الي يأذيك=معذور لو شفتك تلطم خدودك
أدري حبيب الروح روحك ويعنيك=وعندي خبر هالزين سبة شرودك
هذا مقدر منه ربي يشافيك=ويالله عسى ماعاد يرجع يقودك
.=
.=
سمعت وناتي وهي لي . تحاكيك=سمعت وناتي وهي في حدودك
جاتك عقب مقفاك جاتك تناديك=وجتني تقول الزين معلن جحودك