منتديات الفطاحله - عرض مشاركة واحدة

الخنساء · 12-07-2009, 05:10 PM

اقتباس:

المشاركة الأصلية كتبت بواسطة محمد اسماعيل الرفاعي

داب قلــت بــــاسـم الله ابتــديـت
قـــطّــعـت خيـط حـزنـي انتشيت
واسرجت خيل حـرفـي امتطـيـت
ودخـلـت خـلـــــــــف اللامكــــان
وهنـاك بِـويــت عِـشْـقِـــك بــنيـت
نـاديــــت وحـلقــومـي اتــــقــرش
كـوركـت ليــــك رجــع الصـــدى
وردد غنـــــــــاي لامِن رمـيـــت
دخلـت حـوش شـدوِّك شـــديــت
شـديت وتــر ريــدتـــك عشــــــم
كــان ألقى لي شبهِـــك شبــــه
مــا أظنّــي كُــت بيهـــو احتفــيـت
وفــتّــــشـت زيــن لامِــن فِتِـــر
عن روح رويــحـــتي ومــا لقيـت
أنا من زمــن خــاتيـــك مثــال
أصلـي لــي وصلِــك نــــويــت
واحتــرت كيف بلج السكــــات
وضٌـلك بــزِح كــل مــا دنيـــت
تبعٍٍــد مســافــاتِـــك دِهــــور
إن زدت عـزمـي عليــك جـريـت
وأنا شفت نــار خــلف الغيـــوم
قلّعت نعلي شــان أخُــش
بين بيني بس .. قلت اهتــديــت
تــاريــهــا كــانت نـــار مجــوس
إتـوجّـسـت نفـســي ونــأيـــت
ومـرقـت للســـوح والبـــراح
ولي قمة الفــرح اعتـليــت
لمــن ظهــر ضــي بهجــتك
ورشفـت دنِّـــك وارتـــويـت
اتبخــــّــر الحــزن الحِـــداي
وضحِكــت زيــن لامِــن بكيــت

السبت 11 / 7 / 2009م

رااائع مايترجمه يراعك
من روعة وصدق الاحساس

سلمت ودام نبضك