[الخنساء]

المشاركة الأصلية كتبت بواسطة شجاع عمر الأكلبي

ليلة البارح 6/7/1430هـ

أقسى ليالي حياتي ليلة البارح=ماذاقت العين فيها حلو بارحها
ماتستوي ليلة المجروح والجارح=وعزّي لعين ٍ وزين الروح جارحها
وأصبحت فكري بهمي هايم وسارح=أسير الأفكار ضاويها وسارحها
يالعذب مانيب لك عن حالتي شارح=أرسوم حبّك بحالي بان شارحها
ومانيب للعزّة اللي بهامتي طارح=لي عزّة ٍ في السماء مانيب طارحها
مابيه يشمت عليّ الحاقد الفارح=حثالة الخلق يكوي شوف فارحها
أخذ الكلام الصحيح الصافي القارح=والله لا أبطي وكبدي منك قارحها
وتبطي عيون الشقا ماذاقت البارح=نوم الخلايق بيبطي مايبارحها
من دنيتك ياخفوقي صادك الجارح=مخلاب شيهانة ٍ تدمي جوارحها
مكتوب لك في الحياة الهم والتارح=أخطيت الأفراح منها وعش توارحها

صح لسانك مليون
قصيدة جزلة من شاعر جزل
سلمت ودام حرفك