[الخنساء]

المشاركة الأصلية كتبت بواسطة الطائر المهاجر

ودي تحس بمثل ما بي من الشوق = وتعيش معنى البعد لو هي دقيقه
لو كنت تدري ضامري منك محروق= ما كان تتركني بهمٍ وضيقه
قلبي على فرقاك يشكي من العوق= ويبحر به الهوجاس حزنه رفيقه
ولولاي اعرف انك على القلب ماثوق = ما كنت افكّر فيك بين الخليقه
اشره عليك ولا ابي منّك احقوق= ما غير تفهم للجروح العميقه
وش لون ابسلى عنك يا عزّ مخلوق= وانتَ جعلت الكون أجمل حديقه
البدر نوره من محياك مفروق = والورد يشكي كيف تاخذ رحيقه
فرضت حبك يا اريش العين بالذوق= يجري مع النبضات ماشٍ يعيقه
اخشى عليك بيوم تخرج عن الطوق= وتتتبع سرابٍ يخدعك في بريقه
ارجع لعلّه تنتعش ذاوي عروق= واحس بوجودي بحق وحقيقه

صح لسانك واعتلا شانك

قصيدة رااائعة من شاعر جزل

تحكى روعة المعانى

سلمت ودام بوحك