اقتباس:
المشاركة الأصلية كتبت بواسطة مبروك بن ماضي
(( العوانس ))
في وقت فيه إعلام غربي لعيني = ينفـث سمومه فـتنه إغـراء وتحريـش
مدروس وموجه الى المسلميني = وتكمن خـطـورة هجمته عالـدراويش
حبيت أعبّر عن خوافي كـنـيـني = وآجـيـّش أشعاري في الخير تجـييـش
ولي من لمحت أمرخطيرٍبعـيني = أبحث وأفـتـش عن خـوافـيه تـفـتـيـش
وانا هنا :لأجل العوانـس حزيني = ويـخـيـفـني تعــدادهـن كانهـن جـيـش
يتـكاثـرن مع مـرور الـســنـيـني = حـتـيـش هـن يـبقـن بهالحال حـتـّيـش
العِرسْ واجب اجـتماعي وديـني = وإعفاف للجنسـين من عـيـشة الطـيش
وتحـتـاج مـنّا كل بـنـتْ لعـويـني = من اجل تـقـدر تـقـهـر الظيم وتعـيـش
والحجر عالفـتـيات جرمٍ مبـيـني = وإجحاف يـسـتهدف طوال العـكاريش
ولي شفت بنتٍ تنظلم تعـتـريني = حالة غـضب:تقـفل معي قفلة الـشيش
إلـيا متى في ضعفها تـسـتهـيـني = يامن تـولـيـت أمـرها0 قـلـنـا لـيـش!!
وش له تـكـبـل لـلـفـتاه الـيـديـني = طامع في الـراتـب تحـوّشـه تحـويـش
ولاّ لـعُــرفٍ مايـقــرّه فـطــيــني = كل مالفى خاطب تـطنـشـه تـطـنـيش
ولاَ تحـس بـآهـاتـها والـونــيـني = ومايعـتمل فـيها وفي الخاطر يجـيـش
يـاهيه كم في قـلـبها من حـنـيـني = يـنـبـض ولـكـنـّه عـروقـه معاطـيـش
يحتاج من يسقـيه عـطفٍ ولـيني = ولايـهـمّـش رغـبـة الـبـنـت تهـمـيـش
يامن جعـلـك اللهْ عـلـيـها أمـيـني = بـشـويـش تكـفى عامل البنت بشويش
واشفـق عليها وارعها كل حيـني = وشوف الفرح بعيونها صار قد أيش!
عـلى محـياها الـســعاده تـبــيـني = ويمكن من الـبهجه بأحلامها تطـيـش!
مبروك بن ماضي
|
صح لسانك أخي مبروك نص يعالج مشكلة من أخطر مشاكل المجتمع
بارك الله فيك إحساس جميل يجّسد معانات بعض فتياتنامن ظلم أولائهن
شكرا ً من الأعماق أبا فيصل
وآمل قبل هذه المجارات المتواضعه
ياصاحبي مبروك جبت الثميني=ووثّقت قافن ٍ مايجي فيه تغشيش
سقت المعاني لو بعضها حزيني=وفتّشت عن بعض المعانات تفتيش
دايم قصيدك بالمعالج يبيني=كم من فتاة ٍ بالبشرودّها تعيش
عن حال ناس ٍ بال وليش العنوسه زايده بالبشر ليش!
شرط الولي دايم يبيّن ذهيني=ماهي تجاره داخلن به بخاشيش
لاجاء الكفو أعطيه والله يعيني=كم من صغير ٍ يرزقه كاسي الريش
الأب عنده يابشر حرمتيني=والبنت ماله يابشر كود تطنيش
البعض تعضل من سبب والديني=والمال نقمة في يدين المعاطيش
قوم ٍ تعامل بنتها كالسجيني=لابارك الله في علوم الدراويش
تقديري ,,,,,,,,