[نجم الإبداع]

يادار قولي لي في البعد مسموح=معذور انا واشتاق لك يالفصيله
ياداريالي اسمك نغم راقي البوح=ذكراك في قلبي وروحي عليله
يادار انا ماسلاك يادار واروح=لكن ماباليد يادار حيله
يادار انا يادار بالبعد مجروح = كني محبن بات يرقب خليله
يادارعن واديك ماسليْت الروح=سحبان والغيره وحول الطويله
يادار انا لولاك ماجيتك انوح = نوح الحمام الي شدى في غييله
يادار زهرك والمطر راقي الفوح=والزرع لاطلعْت عذوقه وغيله
يادار مايشبهك عندي ولادوح=ولا تشوف العين مثلك جميله
الله على اسمك منكتب لي في اللوح=هذا الهوى والدار دار الفصيله