السلام عليكم ...

وجدت قصااااائد جميله للشاعره : نيافه

وهنا نقلت ثلاث قصائد للشاعره

ولكل قصيدة نكهتها الخاصه ورونقها الآخاذ

لكل من يشككون بشاعرية المرأه

آآآمل ان يتمتعون بهذه الكلمات :


ياسنـام العشـق لـو تبلـغ معـي ذروة سنامـه
كان تفهم .. لا انتصرت اشلون اسلـم iiبالهزيمـه


وكيف اقابل حربـة طعونـك بـدرع iiالإبتسامـه
واكتسي ثوب العطا .. لااهديتني ثـوب الحريمـه


واجمع بكاس الظما قطـرات اكاذيـب iiالغمامـه
وانثره للشمس ، لاجل تبخـره ويصيـر iiغيمـه


وافرد ضلوعي .. واطير لـك معاليقـي iiحمامـه
ياعسى مخـلاب حـرك .. مايرجعهـا iiسليمـه


ماسمعت اللـي يقـول الحـرب مافيهـا iiسلامـه
طيب اسمـع : والله ان الشـوق نفحاتـه iiاليمـه


بالعطـا والا عطـا ، للعاشـق تقـوم iiالقيـامـه
مثل نجد .. بحرهـا وببردهـا .. دايـم iiكريمـه


كل مغرم .. فص ملحه ذاب فـي سكـر غرامـه
لين صارت كل عوجا فـي طريقـه .. مستقيمـه


يمشي الجرداء ويبني في نحـا الـوادي iiخيامـه
مايشـد إلا ليـا قالـوا : تـرى العالـم iiمقيمـه


بـري حالـي كـل مالاحـت لفرقانـا iiعلامـه
قمت اشم الموت مع طرق الهوا .. واشرب iiنسيمه


وآه لامن المسا .. فـرق علـى الدنيـا iiظلامـه
كنه يقول النهار ومات .. مـن يحيـي رميمـه ii؟


قلت يحييها مـن انشاهـا .. وانشزهـا iiعظامـه
مير ياليت الفراق ابتر ... وليـت امـه iiعقيمـه


كان ماعشت الهوى في ظـل سطـوات iiانتقامـه
اتحمل طعنتـه .. واحضـن عواقبهـا iiالوخيمـه


ولا يهون الصبر .. و ( التحنان عز الله مقامـه )
كلها كوم .. وبـرودك كـوم والصـده iiعظيمـه


ياسنام العشق .. طابت لك مـع العشـق الإقامـه
لك مع الشرقي براد .. ولك مـن البـراق iiديمـه


ياعسى الله مايغيـر لـك هـواك .. ولا iiنظامـه
والله اني ما ابيك تحس ب ( صـداع ) iiالظليمـه


لاني ادري معضلات الحب .. تكمن فـي ختامـه
لابدا مشهد بكاء الخصم فـي ( مأتـم ) خصيمـه


جعلني ما ابكيك ياوارث ( يمن ) قلبي و ( شامه )
ما ابي نصر .. وخصيمي انـت يامـال iiالغنيمـه


بنهزم لك .. وانهزامي في الهـوى ذروة سنامـه
وان حصل معك انتصرت ، ابعترف لك iiبالهزيمه


للشاعره/ نيــــــــــافه


.............................. ......................

إذا المراجل لبسـت شمـاغ وعقـال=قـل للعـذارى يلبـسـنّ العمـايـم
ما عاد يفـرق زول حرمـه ورجـال=دام الفعايـل تشبـه البعـض دايـم
المرجلـه مـا هيـب كلمـه وتنقـال=وتروح ما راحـت هبـوب النسايـم
والا خشونة صوت أو رفـع الأثقـال=أو رزة صـدور وفـعـل الـزلايـم
ولا هي بعد مفتـاح موتـر وجـوال=وإلا ردى لسانـن حديثـه شتـايـم
المرجله شيمه عـن القيـل والقـال=رفيع نفسـ(ن) حـر بالجـو حايـم
المرجلـه عقـلٍ وزن وزنـه جبـال=ودون العقـل وش فرقنـا والبهايـم
يا مسندي لو مايل الوقت بـي مـال=يا ولـد أبويـه يـا عظيـم العزايـم
يا معرب الجدين مـن العـم والخـال=يا نخـوة المفـزوع وقـت الهزايـم
المرجله يا خوي هـي طولـة البـال=هي العـزم هـي الصبـر فالظلايـم
فيهـا الكـرم عـزه دلـه وفنجـال=فيها الكرامه عن ردى الطبـع شايـم
والدين لامنـه خـذا القلـب منـزال=مشى طريق الحـق وابليـس نايـم
ومن لا عرف ربه في طيـب الحـال=لابـد وقـت الضيـق بالهـم هايـم
حتى صلاتك مـع جماعـات ورجـال=في خيرها يـا خـوي نعـم الغنايـم
ولامن نصف ليلك قم صفـي البـال=يا عظم أجـرك بيـن ساجـد وقايـم
ولا من رفع ربي لـه كـل الأعمـال=حسن الذكـر لا قالـو فـلان صايـم
وخلك شريف القصد يا طيـب الفـال=سـوء المقاصـد فالبيـوت الهدايـم
واحذر تبيع النفس فـي دب الأنـذال=وتتبع خـوي إبليـس راع النمايـم
النفس خيـل لـك إذا كنـت خيّـال=ومن لا قوى نفسـه قوتـه الهزايـم
ولا صرت ما تدري لو يش أنت رجال=والله خسـارة فيـك ذبـح التمـايـم


للشاعره نيافه
........................

يامبتلين العرب .. بشويش=الناس .. ملّت مسامعها

طيوركم .. تكفخ بلاريش=وآرائكم .. وش دوافعها ؟

قولوا : نكايه واقول : يعيش=قاضي القضيه .. ورافعها

الحقد .. والغيض .. والبخشيش=ثالوث .. ناتج تجمعها

محارب الخلق .. والتنبيش=فيما مضى .. وفي مضارعها

ياجالد الذات لأكل العيش=لاتجلد الذات .. توجعها

كلٌ يعرفك .. يابو تفتيش=السالفه ... لاترقّعها

أقول مثلك .. ترى ( مافيش )=يديك تـجّر اصابعها

حتى لسانك نبت له فيش=المصلحه .. ينشبك معها

رسايلك .. لانجبت تطنيش=هلّت عيونك مدامعها

وبديت في رحلة التشويش=نفسٌ تحاشتك .. تصفعها

يعني تجاريك .. غي وطيش ؟=وإلا من الكون تشلعها ؟

لكن ابشرك يادرويش=ترى العرب منت خادعها

جريدة ( القدس ) للتهميش=كبرت خسارة موزعها

للشاعره نيافه

...................

وشكراً للجميع

أخوكم .....ماجد العديلي