[احمد حامد الزايدي]

احمد الزايدي

الزمن داور والعالـم تغيـر كلـه=مسلم اليومه تراه يشجع النصراني
يأهل التكفير لأتدعون للأرهابـي=أعبدو رب خلقكم كل شيء زايـل

فلاح بن منشار

السيوف الغامده لو جت تغيّـر كلَّـه =نص يهوى شرب فروتي وللنص راني
تحكم العالم كلنتن هي وتايلور هابـي =ضاعو العربان بين اصلي وشيّ نزايل

احمد الزايدي

وقت سل السيف يارجال كـل سلـه=والبلا ذلحين كل شايف لـه شأنـي
حاسبين أحسابهم هذولي الا أذنابـي=والحمل فوق الجمل لاشك أشوفه مايل

فلاح بن منشار

الشرف ذا اليوم لعب الطائـره والسلـه =مابقى بين العرب من يظبـط النيشانـي
شوف من يترك كلام الحق وياخذ نابـي =ضاع قول الصدق ياصاحب وصار همايل

احمد الزايدي

بانت الخله وحنا عارفيـن الخلـه=مستحيل اليوم ترجح كفت الميزاني
الخيول المسرجه مافوقها ركابـي=والمعارك أنتهت مع من لهم فعايل

فلاح بن منشار

هات علمك يارفيقي والمجامل خلـه =خلنا في فكرة احبيب مع الميزانـي
لاجل هذا هم بين العالمين اركا بي =والف الجيد ويخسر من يوالف عايل

احمد الزايدي

الحبل من يعقـده قـادر تـراه أيحلـه=والمشاكل من سببها كثـرت الأديانـي
ماقدرنا نعرف الصـادق مـن الكذابـي=ضعف حيل من طرفنا حال وأصبح حايل