قصيدة حسن الوافي " عسى ربي يجازيك "
عسى ربي يجازيك بسبايب فعلتك فيني= وياخذ حق خل ٍساهر ٍ ليله لجل عــــــــيـنك
اشاكي الهم وسط الليل ما القى من مواسيني= ما غير الليل يتردد صدى صوتي يقل وينك
دخيلك يالغضي لا لا تهاجر ثم تخليني= على جمرة غضا وبلهفة اشواقي محاتينك
نقول ويا عسى ربي يجيبك يا نظر عيني=وترد العافيه ويا السعاده في محـــــــــبينك
ونتلهف على ذيك السنه يا اغلى المحبيني=سنة عقلي وقلبي والحنايا من مجــــــانينك
سنة عقلك وقلبك والحنايا من مجانيني= وعفت حبك الصادق وهو اجمل عنــــاوينك
سنة لامن بزغ نور(ن) عرفت انك بتلفيني= واطفي شمعتي والنور وينور لنا جبـــــــينك
سنة تمرض وما تلقى بعد وين المداويني= تلاقي روحي و قلبي دكاتر لك مـــــــداوينك
سنة كنت اعطش وظامي وريقك دوم يرويني=سنة تبرد و انا احضاني تلاقيها مـــــــدفينك
ولكن غيرك هذا الزمن واصبحت ناسيني= نسيت الحب والعشره وكل ما بيني وبــــينك
خلاص ارحل ومن قبل الرحيل اعرف عناويني=لذا ودي يحس قلبك وابيك تشوفها بـــــعينك
انا طبعي وفي صادق و هذا اللي محليني= وما اطيق الغدر والكذب واسأل ماضي سنينك
عن اللي له بعشق المرجله وهي خصلة فيني= وحبك ما تحسف له ويا جــــعله فدا ايــــــدينك