وقلبي إللي لامر الزين أخذ سجه=ويسجبي سجتاً من عرض سجاته
يتبّع الزين بدربه دوم متوجه=وياكثر ماهو بغى حاجه ولاجاته
تلعبه أمواج شوقه والوفا لنجه=هيمانٍ بلولَوه وأصدافه وعاجاته
ياما بسبايبه ضلوع القلب منلجه=وأنا بقلبي عناده وأحتجاجاته
وياكم خيلاً من اللهفه لها سرجه=تطارد بخافقي إليا سياجاته
أسهر عذابي على ناره وفي وهجه=وأقول وينك ياصبحي وأنبلاجاته
ماكل مطره يجي من قبلها عجه=ولاكل صادق دليله إبتهاجاته
وعلى طموح المحب مشيداً برجه=ماينهدم لوَنها تكسر زجاجاته
ماكل عاشق مبدع بالهوى ونهجه=فله فنونه وطرَقه وإندماجاته
ياما تخدرت من جرعاته وبنجه=هو الوحيد الذي ملقى علاجاته