احمد الزايدي
كثر الخنا ياالله أتبيد الطغـاه الخنازيـر=أقلوبهم تكره أهل الدين كفـار مذيـن
والنصر في حاجته لأهل التقى والصلاحي=أنصرهم بنصرك أنتـه ياعزيـز الجلالـي
فلاح بن منشار
تاريخ الاجداد متميز وتاريخنـا زيـر =لاوالله الا غدينا بين الافكـار بذيـن
لاعمر يرفع لوى الاسلام والا صلاحي =ماباقي الا يجي صهيون وانا الجلا لي
احمد الزايدي
المسلم أما نصر دينه حصل فيه تقصيـر=والدين ماينتصر وأهله ضعوف مساكين
واللي يبا النصر يعمل له ويحمل سلاحي=أيجاهد أهل الكفر مايعجز أولا يبالـي
فلاح بن منشار
الناس يالزايدى تسعى ورى فكرة قصير =لاجل الدراهم والاعلانات حدو السكاكين
والمال من عشقته بين البشر ماسلا حي =وانا معك في فنون الشقر مرتاح بالـي
احمد الزايدي
نبغى التطور والاحاصل يأخوك أي تطوير=أنعيش ونموت نبغى الله يحرر فلسطيـن
والاش لاتضحيه منا وجهد (ا)وكفاحي=ياحبنـا فالحكـي ومهيـلات الدلالـي
فلاح بن منشار
الشقر عند ابن مصلح يوم لاقى بن طوير =وراعي المال متريح وراعي الفلس طين
والفقر ماحي من جوره وهمه كفا حـي =والموت من نضرةالجادل وراعي الدلالي
احمد الزايدي
فلاح يأخوك أشوفك ناوي (ن)تعكس السير=واللي معه مال متريح وغيره علـى الديـن
يجد ويثابرالناجح مـن آجـل النجاحـي=وأنا بغيت الجواب يدور حـول السؤالـي
فلاح بن منشار
يالزايدي في زمان العولمه وادهن السير =تعاملات التجاره زور ماهي على الدين
مجتاحه اديارنا امريكا وشارون جاحي =والاتصالات تبغيها وتعطي السوى لـي
[/poem]