[الخنساء]

المشاركة الأصلية كتبت بواسطة ناصر عبيد الهواوي

اعدد مساوي رحلة العمر قبل اسبوع=تخلويت في نفسي لحالي واحاكيها
اراجع علاقاتي مع الناس باثر ارجوع=ولقيت إن عرفك صاير اسوأ مساويها
اناني وفيك الكبر يظهر بكم ٍ نوع=غرورك لهدني حيل والكبد كاويها
لو جتك اريحية نوب واسقيتها قرطوع=يجي عقبها شهرين بالهجر تضميها
الى قلت انيلي قالت اول تحب الكوع=امامك خطوط ٍ حمر يمنع تعديها
اماني ترا خط الرجا دونها مقطوع=وامور ٍ لمم معذور لو كنت ترجيها
ولا شفت وجهك يوم منه الحيا منزوع=ولا كنت منك اسمع علوم ٍ تلويها
اذا كنت من سور العلاقة تروم اطلوع=يشيب الغراب وخافقك ما فرح فيها
في يدي الرسن تعود لي غصب والا طوع=بنفس الشروط اكتب بيدٌك وانا امليها
عسى الشيب ما اثربك بياضه وصابك روع=يوم اني شربت المر تنسى حلاويها
تصدق هروج الخالي الحاسد الكرسوع=اكاذيب من حقده وغله يسويها
يبيك انت بالفرقا لقلبي تصوعه صوع=تكدر عليٌ العيش والعين تبكيها
فديتك بنفسي طالبك قفٌل الموضوع=على نهجنا الاول نكمٌل تواليها

صح لسانك واعتلا شانك
جزلة من شاعر جزل
لاهان راسك
سلمت ودام بوحك