[عايض المقاطي]

بعد مساكم / صبحكم الله بكل خيرر



,؛

ألا يالله يا رب البريه=يا عالم بالعلن ويا الخفيه
رضاك ولطفك وفضلك وجودك=عطيه ما يحاليهاا عطيه
أنا عبدك وابن عبدك إلهي=اطيعه واتبّع سنة نبيه
نبيٍ خصه بحمل الرساله=نسل هاشم قريش اليعربيه
وقال " اصدع بما تؤمر لحقٍ "=كأن سناءه شمسٌ جليه
ومن غارٍ ابه كان يتعبد=بدا وأعلن إلى الدنياا مجيه
يتيم وجده الحاضن توفى =وعمه خمته كف المنيه
ولكن ع الولي ربه توكل=دليله قوله لعضده خويه
مدام الرب اهو ثالث ثلاثه=فلا خوفٌ عليك ولا عليه
ومن مكه سرى يم المدينه=بعد ضاقت علاه من الاذيه
وشع النور من دار النبوه=علا وأعلن سقوط الجاهليه
فدتك الروح يا صفو الخلايق=فدوك أيضا بعدهاا والديه
صفاتك لو أبا أوصف واعدد=تبا تعجز حروف الأبجديه
وصفك الله في محكم كتابه=بقولٍ يقنع النفس الشقيه
"وإنك لعلى خلقٍ عظيمٍ"=شهااده مالها والله حليه
أبو بكر وعمر قبل اصطفائك=مجون وكاس وذنوب وخطيه
وعقب ما أشرق على الدنيا شعاعك=خشوع قلوب ونفوسٍ رضيه
جمعت اللين بإقدام وشجاعه=لهاا لانت ملووك الفارسيه
رسول الله عن عرض الطهااره=نسوق الروح والغالي هديه
سندنا عزة الدين وشعاره="ألا سحقاً لعباد الأسيه"