[الخنساء]

المشاركة الأصلية كتبت بواسطة سلطان دحيم العطاوي

حالة مواطن

يسمح بالمجاراة

سياسة التمليك والتقسيط عربون الهلاك = من كف صاحب يحتريك سنين في حفر ودفن
يسرد لك الموضوع ويخاشرك في زادك وماك = ويضاهرك بالطيب لو انه من الدنيا عفن
بس المهم الموت قد جالك وقلي وش علاك = من شي غبرات الظروف السود في كنفه لفن
قبر الديون اوحش من الظلما على قلب الملاك = قبرٍ وحيش وموت لو انه بلا طين وكفن
يا صاحبي خلك على التيسير لا تعدم وفاك = وتصير خضة كف مثل الغاز في علبة سفن
حدتني الحاجه على الهامور واستوطن وحاك = احلى العروض وغرّب الدعوى على عين وجفن
وانا مواطن راتبي طايح وحالي عود راك =وليا غفى التاجر من النعمه عيوني ما غفن
لكن على الله حكمة التيسير ما صابك وجاك = والله يزينها من الطالع قبل وقت الدفن

صح لسانك ولاهنت
بوح رائع يترجم الواقع
سلمت ودمت بخير