رسمتك للهوى صوره على خد القمر يأنسـان=ولونتك بلون الورد وزهر الـروض وفنونـه
ورسمته فوق موج البحر عالميناء وبالشطـآن=وزينتـه بتـاج اللولـو وحبـات مضمـونـه
ورسمته بالشفاء في عالي القمه مـن الحدبـان=ولونته بلـون الطيـف وخليـت الهـدا دونـه
ورسمت الصيف بالسوده وتحته وابل الهتـان=تخيل جلستي تحت المطر وأرسم لك إعيونـه
ورسمته تحت شجرة حب بأوسط غابة الرغدان=عسى من شاف ذا اللوحه تذكر عين مضنونـه
وعليته على الجوزاء وخليتـه رفيـع الشـان =وخليـت النجـوم الـوآن بالوحـه يضوونـه
ورسمت حصان باللوحه , خَيَاله فارس الميدان=ورسمت رجال للذكرى علـى بالـي يسلونـه
وعطرته بعطرإنجل وريح المسـك والريحـان=ودهـن العـود باللوحـه إذا مـروا يشمونـه
وكتبت اللغز باللوحه ومزجت اللغز بالالـوان=وتحديـت الجميـع بحـل لغـزي مايحلونـه
وكتبت أبيات مجنونه وموزونـه بغيـر أوزان=وصارت لوحتي تمثال ولو مـروا يشوفونـه
ولحنـت القصيـده بيـن ذا مبـدع وذا فنـان=تسيد فـي محاريفـه وقـال البنـت ملسونـه
وناظرت القصيده بين تائـه فكـري وحيـران=وبخرته عن عيون الحسـد واللـي يحسدونـه
وقالو بيعي اللوحه وجابـت غالـي الأثمـان =وحلي لغزك بساعه وخـل النـاس يشرونـه
وفجاة طاحت اللوحه ولغزي طـاح بالقيعـان=حلوم الليـل كذابـه صحيـح اللـي يقولونـه
خساره رسمتي له بأوسط الزهره من الرمـان=وخساره وضعتي له داخلـي بعيـون مفتونـه