لوماانت غالــي ماتحــمل غـــيابك=ولااشقيت نفسي في رجاوي تلاقيك
احب فيك الحب واعـــشق عـــتابك=واحب جرحـــك والغــــياب وتجــافيك
عطنــــي غلا ياليت يســلم شبابك=واعطـــيك قلـــــبِ بالمـــحبه يناجيك
فيني عظيم الشوق يشكي جنابك=يسأل عـن اسباب الجـفا في لياليـــك
وينـــثر لك اوراق الالم من عـذابك=يمكن تشــــوف جــروح قلـــبه تناديك
عشت بوهم مجروح اتبع ســرابك=ضمـــيان واشـــكي من عناك وتجنيك
ياليتني حرفِ سكن في كــتابك=وابقى معك في هامش الوقـــت مغليك
خذني سؤال الحب خذني جوابك=خذني مــعك يالـــيت ربـــي يخــلــيك
ولو ماانت غالي مااتحمل غيابك=غــــالي ولـــكن ماقــــويـت لتغـــليك