ياوجد حالي عن الطامي ووجدٍ له=خله خذا القلب حطه مع لعابيبـه
لو يرحم العود قبل تبين به خلـة=ويجامله في رسالة مع مناديبـه
ويقول له خذ معاليق الحشا كلـه=قلبه معه له زمانين امتهني بـه
يابو محمد تصبر واستعـن بالله=من يترك الشي لأجل الخالق يثيبه
الطامي رد :-
الله على البيت ياناصر وحبٍ لـه=قاف من القرم نقبل به ونقفي بـه
حنا حفظناه من زينـه ونفصل لـه=كنه على القلب وايق من كثر طيبه
كلن يشوف العرب بعيون محولـه=لاواهنيه على طاريه ترمـي بـه
من لاصبر يالهواوي جعله العلـه=والصبر محمود قلته من تجاريبـه