ياحبيبه ترى حبك بقلبي يزيد=يامناتـي وشوقـي ياسبايـب هنـاي
لك ابهدي شعوري مع حروف القصيد=وغايتي منك قربك يامنـاي وهـواي
قبل عرفك ما احسني مع الناس افيد=كنني في مكان ٍ مابـه احـد ٍ سـواي
ياودادي وعطفي ياعروق الوريد=ياحنـان ٍ يغذينـي ويبعـد ظـمـاي
كم تمنيت وصلك كل يوم ٍ جديد=وتشرقي مثل شمس ٍ شارقه في سماي
ايه احبك احبـك حـب ماظـن يبيـد=كل يـوم يتزايـد ويتزايـد رضـاي
راضي ٍ من صفاتك من حلاك الفريد= راضي ٍ في حضورك في وصالك معاي
اسعد بصدق قلبك عل عمرك مديد =واعترف لك بأنك انتي غايـة منـاي