[عرق الماس]

المشاركة الأصلية كتبت بواسطة ماجد العديلى

السلام عليكم ورحمة الله وبركاته ..


( وافيه ) قصيدتي الصوتيه الأولى
أتمنى أن تلامس مشاعركم الوافيه .

لمشاهدة القصيدة بالصوت والصوره عن طريق اليوتيوب

إضغط هنا :

http://www.fatahilah.com/showthread.php?t=25240


......................

وافيه تفرض علىّ أنفاسها بكل احترام=اتركت عندي الأمانه واستهانت وسرقتها
وافيه للغدر كل ما تلفت وسط الزحام=وافيه لأحلى الليالي وكل نجمة واعدتها
وافيه لعطورها اللي أستوطنت فوق الغمام= والمطر به ريح عطري والهدايا أمطرتها
وافيه للنار مهما تنطفي وتصبح حطام=وافيه للجمره اللي في رمادي دفنتها
وافيه لبسمه بريئه منها يتبرى الكلام=وافيه للدمعة اللي من عيوني نزلتها
وافيه للقصه اللي كنت أسمعها وأنام=ولا غفيت أسمع صداها والأسامي غيرتها
وافيه للصمت الأسود لا تحريت الكلام=وافيه لأعذار حمراء من عروقي لونتها
وافيه للعام وقبل العام ومن قبله بعام=من ثلاث سنين مرّت والوفا في حنجرتها
وافيه حتى لشرفها لا يباع ولا يسام=الشرف تهديه للي نظرة عيونه قرتها
وافيه تحفظ نسبها مع حسبها عن سهام=السهم ينشاف وطعون الخناجر حرفنتها
وافيه لفتات خبزه لمّت أسراب الحمام=طارت بأرزاقها ما كنّها اللي أطعمتها
وافيه لاحساسه اللي تلبسه مثل الحزام=ناسب ألوان الثياب اللي من الغدر لبستها
وافيه لكل المرايا علمتها الإنتقام=نظرة عيوني إذا شفت المرايا اكسرتها
وافيه ماتدري إنك يالوفاء طبع الكرام=وافيه للكذب لا خانت ورودي وقطفتها
وافيه لكن وفاها ما يوفيها احترام=وافيه لأخلاقها اللي من رداها شردتها
وافيه للعود الأزرق فاح من كثر الهيام=أحترقت وكل يوم تشيل غيري مدخنتها
وافيه لأسمى خيانه وأسفل أنواع الغرام=وافيه لأبشع رواية غدر فيني ترجمتها

..

حضرة الشاعر الفاضل ماجد...

مااااااااااااااااااأجمل أبياتك وأروع صورك,,

مع مرارتها اللاذعه لربط معنى الخيانة بالوفاء له!!!

أبدعت أخي في انتقاء تعابيرك وصورك,,فلامست حنايا القلب

ففاضلت المشاعر بصرخات رافضه لهذا الوفاء المُخزي للخيانة..أجارنا الله جميعاً..

سلمت أناملك لبديع ماصورت,,

ودمت بكل خير ..

مُنيه