ياحبيبه تراني في غرامك أسير=يامناتي وشوقي ياسبايب هناي
لك ابهدي شعوري مع حروف القصيد=وغايتي منك قربك يامناي وهواي
قبل عرفك ما احسني مع الناس اعيش=كنني في مكان ٍ مابه احد ٍ سواي
ياودادي وعطفي ياغلا يـــا حنان= ياحنان ٍ يغذيني ويبعد ظماي
كم تمنيت وصلك يقترب لي يزيد=وتشرقي مثل شمس ٍ شارقه في سماي
ايـــــــه احبك احبك حب ماظن يبيد=كل يوم يتزايد ويتزايد رضاي
راضي ٍ من صفاتك من حلاك وغلاك=وشوقك لو صل قلبي مع تزايد غلاي
اسعد بصدق إحساسك وصدق الشعور=واعترف لك بأنك أنتي غاية مناي