اقتباس:
المشاركة الأصلية كتبت بواسطة الطائر المهاجر
ما كل من سمي رجل صار رجّال= في وقت غيّر في النفوس الضعيفه
فالمرجله صارت تقدّر بالاموال= وإلاّ نفوذٍ يكتسب من وظيفه
ماهي مثل اوّل على سالف اجيال= يوم الرجل مبداه درعه وسيفه
يحكمه دينه والعقل يازن جبال= وفرحته يوم انّه يهلّي بضيفه
لامن نخيته محزمك وقت الاهوال= ولا من نصيته قاسمك في رغيفه
تلقى الأمانه في صدق طيب الافعال= وتلقى الثقل ماكل يدري نزيفه
واليوم محري البعض يلبس لخلخال= فصعبٍ تفرّق بين لطف ولطيفه
هذا تقوده حرمته لو للوحال= وهذا يدور من وراها طريفه
وهذا كلامه عنّها تقل دلاّل= بين الرجال ولو هروجه سخيفه
وهذا تبيه جدار من تحته ظلال= يغض طرفه لو يلاقي رديفه
وهذا بليّا احساس في البيت تمثال= رضّاعته جنبه ومقلع بكيفه
وإلاّ مع الشله لساعاتٍ طوال = لو طاح بيته مادرى عن وكيفه
وهذا طبل تلقاه بيدين طبّال = ماله فكر يمشي باوامر عريفه
ضعيف شخصيّه ولا هوب فتّال= ياسهل تغييره بكلمه طفيفه
وهذا يعاني نقص في كل الاحوال= حاقد وحاسد مايداني حليفه
لو ما يصل للي يصل له من افعال= حطه عدوٍ له ولفق لزيفه
ولو به من الإيمان لو عشر مثقال= يقنع برزقه ما يبيّن وجيفه
ارزاق تتقسم بدقه ومكيال= وكل حباه الله من الطيب ريفه
ومن طاوع الشيطان وهروج الانذال= تحرقه نار الحقد لوهي خفيفه
|
ابلغ مما سأقول اقرؤ ا مابين السطوووور