[الأموره]

المشاركة الأصلية كتبت بواسطة عبدالناصرالعالي

السلام عليكم ورحمة الله وبركاته

هذا مكانـه يابحـر أعرفـه زيـن = رغم البطا كنه هنـا مـن ثوانـي
كنا هنـا قبـل نتفـارق بعاميـن = قبل المطر يجتاح وجـه المبانـي
وينه غلاتي يابحر وينـه الحيـن = مرك .. لمحته .. مانشد عن حناني
بالله قول أنـه هنـا قبـل يوميـن = ودي أحـس أنـه هنـا مانسانـي
حتى الكراسي تسألك يابحر ويـن = من غيبته حتى الكراسـي تعانـي
كنا هنـا قـدام وجهـك محبيـن = نرسم على صطحك كثير الأمانـي
شف يابحر كنا على جالـك أثنيـن = واليوم ماغيـر الدمـع والموانـي
دونه أشوف الزين بناظري شيـن = وبإسمه أنادي واحد مـن أخوانـي
وين السعاده ناسيتني مـن سنيـن = مدري بعد مثـل السعـاده نسانـي
ااااه يابحر الدمع في محجر العيـن = ماأقدر على ذكـراه هـزت كيانـي
ماأقول يسوى في عيوني ملاييـن = يسوى عيوني وماغلى في زمانـي
هو القمر في الأرض يمشي برجلين = مافيه مثله يابحر شخـص ثانـي
شف يابحر ماهزني غيـر ثنتيـن = فرقاه وميسـم هالزمـن لاكوانـي
لكن أمانه يابحـر أحفـظ الديـن = لا جاك ثير الموج لهفـه عشانـي
قله غيابك عـن حبيبـك سكاكيـن = ماهو حرام الذبح بإنسـان فانـي
دايم يحن لموعـدك يعرفـه زيـن = وده يشوفـك يابشـر لـو ثوانـي

أعجبتني للغآية ...~