الا يامل قلب داش فكره ياملا واحتار = سبايب من سلب عقلي ولاقدم معذريه
اذا منه لحظني بالعيون اقول ياستار =يدف القلب دف الطار لاشلوه نجديه
يشوفون المليك وجا بهم عزه وكيف وكار = وراعي الطار ماش اعصاب ماعنده محنيه
نطحني بالمضيق اللي تمشى به بروض اسبار=اسبايرقصدنا اللي ياقع الملعب بشرقيه
باشاره من يده بين لنا الحراس والاخطار= وريت اللي ردعني من موافاته حواليه
اهو قفى وانا قفيت منه وجهتي المعبار =اسوق الرجل وابعد والنظر مني نحاويه
وسمعت المكرفون بصوت اذان الفجر للعمَار= واثاريني بحلا نومي بوسط احلام ورديه
على نفسي زعلت وقلت ياغفار ياستار = ورجعت انام لاعلي ارد الحلم ياحيه
وراح اللي تمنيته بنومي ماعرف له دار = اضغاث احلام جتني علها ماتعود موليه