[عبدالعزيز العمار]

المشاركة الأصلية كتبت بواسطة شاعر المشاعر

السلام عليكم ...
جديد التو و اللحظة والقافية
اللي مدري وش تبي ..

خل النفس تدرك غرضها

القاف حبلى بالمعاني وباحت = عن مولد أبيات ٍ بفكري عرضها
وسحايب الأقلام بالحبر ساحت = لا زاد منسوبه بدمي خفضها
علّت مرا بع في خفوقي وزاحت = مشاعر ٍ قتلى تعب ما نهضها
وتبخترت ضحكة نسيم ٍ وشاحت = خلف السواد اللي يغطي بعضها
وحمامة الأفكار في البال ناحت = تسجع لحون ٍ باكية من مضضها
على بوادر فرصة ٍ يوم تاحت = صوت العقل رغم التمكن رفضها
من الذي لأسبابها الروح راحت = من شفتها نفسي تزايد مرضها
مرّت تثنىّ وريحة العطر فاحت = بعمايل ٍ ، لفح الهبايب . نقضها
تناثرت دمعات عيني وطاحت = من فوق خدي يوم رمشي نفضها
قامت شياطين ٍ بوجهي وصاحت = تقول خل النفس تدرك غرضها

محمد بن عمار

الشاعر القدير ابن العم محمد بن عمار /

صح الله لسانك وفكرك الراقي ...

دائما مبدع وممتع لاهنت ..

تحياتي وتقديري ..