ياغايبٍ عن عيوني وأنت في بالي=مكانك القلب مهما طالت المده
تعال تعال لاتتركني الحالي=تعبت ماقدر علي الهجران والصده
والله مايصبر الغالي عن الغالي=كيف يتصبرّ وهو متشرّبٍ وده
هذا أنت غايب وهذا طيفك اقبالي=يزورني في منامي ماحدٍ قده
اكثر وفاء منك وارحم منك واشوالي= يحس بي كل ما شوقي وصل حده
والآ أنت مدري وش اللي جاك من تالي=ويديك كانت بحبل الوصل ممتده
تغيرت نيتك والآ يورالي=وان شفت مني خطأ والآجفاء عده
وانا عطيتك كلام وموعده طالي=علمٍ بغيت اسمعه وأخاف من ضده
والفرصه السانحه عيت تهيالي=طرقت الأبواب والأبواب منسده
والله مدري متى الايام تصفالي=وأقدارها تجمع الدمام مع جده
حاولت واعطيت من جهدي ومن مالي=واسكنتك القلب من حده اليا حده
وان همّتك ضيقتي ياللي علي بالي=تراك ماجور لوعجلت بالرّده