[الطامي]

الصاحب اللي راح قلبه مع الطيـر=يامن يرده لو خذا نصـف مالـه
مسكين ياللي راح طُعم الغناديـر=صكوا عليه البـاب محـدٍ دنالـه
يصيح من جرحه ولا ينفعه سيـر=تعبت رجوله والغضي ما عنالـه
ردوا عليه الصوت هاتو التباشيـر=وإلا ترى ميـت ولااحـدٍ رثالـه
لو حاول النسيان جتـه التفاكيـر=يلعب بـه الهوجـاس واعزتالـه
ترحموا له صار راسه صعاريـر=من كثر ما يلطخـه دمـه بدالـه
ماتنفعه آسـف وكثـر المعاذيـر=اللي رحل ما يرجعه كثـر مالـه
يمكن مع القرآن يلقـى التياسيـر=تعال خـل اقـرا عليـك بعجالـه
وان كان بك جني طلع دون تعزير=وان كان بك عين قرينـا ابيالـه
قولوا لبيت العز من غيـر تدبيـر=لابد مـا ينهـد فـي كـل حالـه
وقولو لمن داشه زمانه عسى خير=في يوم يفرجها الولـي لامحالـه
والصبر طيب لو قبلـت التقاديـر=مكتوب لـك ياصاحبـي بالدلالـه
اخشع بتال الليل من دون تقصيـر=وادع الولي يلطف بكم في مآلـه

الطائر صح بدنك والسانك
ولاهنت
والله يغيني على الرد
شكرا لك