[عرق الماس]

المشاركة الأصلية كتبت بواسطة فلاح بن منشار

ياغصن ريان للنسمات يتثنّى = تغار منه الورود ولونه اشجاني
رمى بسهمٍ حشا مايخلف الضنّى = صاب الخفوق الذي من قبل صواني
واصبحت كني غريب وصايبه جنّى = يانعنبو الحب شوفو وين وداني
كنت احسبه برد واثره نار تتقنّى = جمر الهوى حسته روحي وكواني
من يسمع المشتكى لو تابع الونّى= ماينفعه طب لو ودوه لبناني
اما انت ياقلبها كفك من المنّى = عالج جروحٍ من اسبايبك تصلاني
على محبك حرام اليوم تتجنّى = دوكه صويب ودموعه فوق الاوجاني
دواه عندك فلا تبطي وتتأنى = عجل بترياق يالي ماقد اسقاني
جيتك ولو طال صبري دوم باستنّى = وانا على العهد يافتان تلقاني
لوتبتعد عن حبيبك كيف تتهنّى =ماظنتي ياحبيبي يوم تسلاني
يطول هجرك وقلب الصب يتعنّى = تنام عينك ونومي عز ماجاني
لاتكثر الصد دام الفرصه تتسنّى = عجل بوصل الهوى ياغصن رياني

حضرة الأستاذ فلاح..

ماأجمل حروفك وأروع احساسها وأعمقه

أسعدني المرور عليها..

دمت بكل خير ياغالي..

منيه..