صبرت خمس ايام كني على نـار = صابـر ونـا اعد الليالـي والايــــام
عانيت فيها هم واحزان ومـرار = وكل النكـد فيني تجمع والاوهـــام
وقضيت ليلي بين أهات وفكـــار = اجـاذب اهـاتي وقطـعـت الابهـــام
وتسرحبي افكاري وتمسيبي اديـار = وامشي مع افكاري وانا اقول قــدام
محس في نفسي ولااحسب الاخطار = من زود مافيني من اشواق وهيـام
كـله من اللي لـه مـعزه ومـقـدار = في وسط قلبي من قديمات الاعـوام
سكن بقلبي واصبح القلب لـه دار = واحتلني مثل الامريكي لصـدام
يوم اهجموه ابليل من قبل الاسحار = قبـل طلـوع الفجـر والنـاس نـيـــام
وانهارت اعصابه بعد جيشه انهار = واقصوره اللي واقفه صارت احطــام
وشعبـه تقـسـم بين خـاين وغـدار = واطفــال بالشـارع مسـاكـين وايتــام
ونهايته صارت على ايدين الاشرار = علـى حبـال المشـنقـه يـوم الاعــدام
وانـا مـلكنـي حبـه ابـسر واجهـار = حبٍ حقيقي يجرح اقلوب الاخصـام
فالـدم يجري مثـل مجرى الانهـار = ولوجيـت ابوصفها يـجـفن الاقـــلام
والله يصـبرني على صالي النــار = ويـلم شـمـل اللـي يحسبون الايـــام