[محمد الأحمري]

(محمد )يا الطائر اللي في حضورك مهابه =وين أنت مدري ياعسى ماتغليت
(موج) الطير حلق والكرامه زهابه = والحين جاكم وانت والله تعنيت
(محمد )الشات بعده كلها في كآبه= ودي بحضوره غايتي لو تمنيت
(محمد )وفلاح ذا غيم(ن) يهل ابسحابه=يمطر بحلمه عالي الطيب والصيت
(موج) حياك في داره وتسكن رحابه = تلقى الاصاله وينوجد ما تمنيت
(محمد)أنتم منانا وكلكم لي قرابه=وبيت(ن) جمعكم ما أبد عنه صديت
(موج ) صدقت يا زين الشعر والكتابه = في منتدانا اشهد اني تهنيت
(فلاح)يامرحبا يالصاحب الي نشابه=يصيب قلب الصيد كنه دناميت
(فلاح ) شاعر كريم وماخفانا جنابه=من لابتن تقطع رؤوس الطواغيت
(موج ) الطيرمقبل والقوافي تهابه = وقافي لفى وببعض الابيات جاريت
(موج)وفلاح ينطرني وبيده حرابه = حياك ياللي جيت يمي وناديت
(محمد ) ياموج شعرك ماعليه الغرابه=جزلا ولك فا الشعر معنى وتوقيت
(موج ) الله واكبر عالحكي والرتابه = الاحمري ابدع وبالقاف غنيت
(فلاح ) وانا متابع قافكم وانسكابه=واليا لفانا العود طرت وتنحيت
(موج ) فلاح ما مثلك يعلن انسحابه = جر القوافي بين الاصحاب حييت
(محمد )فلاح شاعر لاحظر له رقابه=لاغاب تحكي من ثياب الشعر بيت
(محمد ) شعره تفرعن في زمان غدى به=شعَار لكن لاحظر مالهم صيت
(فلاح ) ياموج شعرك هزني بانطرابه= والاحمري شفته بصفحات جازيت
(الطائر ) فلاح حر وماعرف عنه عابه=لكن بعض الحين يهجم كخرتيت
(فلاح ) لاتمدح المقرود ثم اتعثى به=والعود يشخط بيننا عود كبريت
(موج ) حي الله الطير المهاجر هلابه = هيا استلم دامك لشعارنا جيت
(فلاح )ياموج مالك عذر خلي الدعابه=تنصب هذا اليوم مثل الكلاكيت
(موج) فلاح دام الطير حضر زهابه = لملم زهابك مابينفعك يا ليت
(فلاح )العود خابر رميته والتهابه= لامن تشعلل فوقه الماي صبيت
(محمد )والموج تختار الدرر في رهابه=تملك عروش الشعر ماهي فتافيت
(محمد ) فلاح شاعر والشعر يرتقى به=والطير مثله جنهم كا العفاريت
(الطائر ) الموج في مده تعلاّ السحابه=وانا برئ منه لاجي بالكويت
(محمد) ياموج هاذولي أسود(ن) بغابه=وحيان أرهبهم ولو جدّ مريت
(موج)اعرف صدوق القول واعرف كذابه = ومع ذاك من طيبه خفوقي تعنيت
(موج ) وبستاذن اهل الشعر واهل المهابه = لازمن علي امشي ومعكم تسليت
(محمد ) فلاح كا الطائر عيوني أرى به=لوقلت بكذب حبهم داخلي بيت
(فلاح ) يالاحمري شعرك حمانا زهى به= شيهان متعلي وفينا ترقيت
(فلاح ) مع السلامه موج خلي العٌصابه= تبني حروف الشعر مثل الجرانيت
(محمد)لا واللذي سواك شعري لعابه=الشعر شعرك لاحظر موت غطيت
(فلاح )ياصقر خابر ديرته وانتسابه=شاعر محنك في وصاله تمنيت
(محمد ) أصلك كبير ومانخفى واندرابه=حتى جنون البحر تحسدك با الصيت
(محمد)شاعر وطيبك ماعرفنا سرابه=تعطي وتكرم لاحظرت انت ولفيت
(فلاح )ياذيب عايش بين عصبة ذيابه= قدرك عزيز وبيننا قد تساميت
(فلاح ) معدن ذهب صافي حسبنا حسابه= عنه ابد وقت اللقاء ماتواريت
(محمد ) فأنا سميك صاحبي في التشابه=الذيب أنت وسمني ماقد أبغيت
(محمد) أبشر بمحزم جملك با الصلابه=اظربي الأحجار/ فتّ الدناميت
(فلاح)الرمي مايخطي موضح صوابه= رميك وكاد يصيب مايومن اخطيت
(محمد ) منك آتعلم ياسديد الإجابه=أنت الشرف ماغيركم جد حبيت
(فلاح ) برقك ورعدك واضحن من سحابه=تسقي جبال ابها وبالوبل عليت