صحوتي في غفوتي في خيالي
القاك تشفي القلـب ممـا يعنيـه
غديت بعدك تايـهٍ عـن ظلالـي
ضايع بدرب الحب ما نيب لاقيـه
في غربتي امشي وحيـد لحالـي
واساهر النجمات والحزن طاويـه
امشي على شطر البحر في عدالي
رملـه يدفينـي ودمعـي يسليـه
اشكي لموجه غربتـي واعتلالـي
كـوده يونسنـي بمـده وطافيـه
والشمس تغرب والقمر في زوالي
ونا الوحيد اللي بلا حـب يرجيـه
في وحدتي اشكي ولا احدٍ شكى لي
وارقب لطيفك كود يظهر واحييـه
صح لسانك مليون
قصيدة جميلة ترجمت جمال التصوير
سلمت ودمت بخير