منتديات الفطاحله - عرض مشاركة واحدة

محمد بن عمار · 24-01-2009, 10:44 PM

اقتباس:

المشاركة الأصلية كتبت بواسطة الطائر المهاجر

من الأرشيف القديم اي من قبل حوالي 20-25 سنه ولم تنشر بعد

لو كثرت اسفاري وكثر ارتحالي= حبك بقلبي ثابتاتٍ مراسيه
ومن كثرة اسفاري تأكدت مالي= غيرك بهالدنيا حبيبٍ اصافيه
لاشرق لا غربٍ ولا اقصى شمالي= يقدر يسلي خاطري عن محبيه
إلا انت ياحب الوحيد المثالي= لو طالت الأسفار ما نيب ناسيه
احفظ عهود الحب مانيب سالي= والبيض ماتخدع فؤادي وتغريه
حبي لغيرك ياحبيبي محالي= فانت الوحيد اللي انا بصدق اغليه
حبك ثبت بالقلب مثل الجبالي= ايقاوم الهزات ما اثرت فيه
في صحوتي في غفوتي في خيالي= القاك تشفي القلب مما يعنيه
غديت بعدك تايهٍ عن ظلالي= ضايع بدرب الحب ما نيب لاقيه
في غربتي امشي وحيد لحالي= واساهر النجمات والحزن طاويه
امشي على شطر البحر في عدالي= رمله يدفيني ودمعي يسليه
اشكي لموجه غربتي واعتلالي= كوده يونسني بمده وطافيه
والشمس تغرب والقمر في زوالي= ونا الوحيد اللي بلا حب يرجيه
في وحدتي اشكي ولا احدٍ شكى لي= وارقب لطيفك كود يظهر واحييه