وكل حربٍ في توسـع فالمخطـط لـه جـذور
دولـة كبـرى تغطّـي شامنـا والرافـديـن
ولا توقّف عند نهر النيـل او تقنـع بطـور
تدخل لأرض الجزيره تحمـل الحقـد الدفيـن
تبحث اثارٍ قديمه تحت نخـل وتحـت سـور
وما حصل في القدس يحصل عندنا يالفاهميـن
ودامنا بوضع الضعيف بلا دفـاع ولا نسـور
ليه نعطيها العذار بفعـل مـن لا هـو فطيـن
ليه ما ننظر ببعـد ونتّقـي باقـي الشـرور
وكفّ ما تقدر عليـه اتصافحـه حتـى يليـن
لو نهدّي اللعب معها حتى في مـد الجسـور
لين تشعر بالأمان ومـا تلاقـي مـن تديـن
يبتدي فيها اللصوص بْحـرب بينتهـم تثـور
وينتهي معهم ومعها كـل حلـف المجرميـن
فكل نار لا تلاشى مـا تحرْقـه مـن قشـور
تبتدي بالنفس تحرق لين تخمـد بعـد حيـن
ــــــــــــــــــــــــــــــ ــــــــــــــــــــــــــــــ ـــ
صح لسانك ألف ألف ألف مليون سا الطائر على القصيدة
الجزلة والتي خرجك شاعر جزل أسجل إعجابي...دمت بخير.
جلال إبراهيم الصبيح