اكسر اسوار الخجل
قول عيَشني بأمل
قول أحبك
قولها باحساس قلبك
بالشعور اللي سرى بعروق دمك
خل حمام الحب
يرحل بي في سربك
والخزامى
تنبت بدربي ودربك
وننقش بطرف الهدب
فوق قضبان العتب
احلى ابيات الغزل
************
طيريني في هواكي كل مرة
خلي احساسي يعانق هالمجرة
لملميني من متاهات الدروب
وألف ميلٍ في الهبوب
غيري فيني المعاني
والحروف الأبجديه
اطمسي تاريخ عمري
وجدديني يانديه
قبلك انتي ماعرف قلبي هوى
ولا تعذب وانكوى
وقبلك انتي
كل ايامي هزل
************
مليت من ذيك الحياه
والجري في كل اتجاه
كوني لي كل اهتمامي
كوني لي يأسي وغرامي
كوني لي آخر قصيدة
ورحلة ايامي الجديدة
تسوى كل اللي رحل
تسوى كل اللي رحل