[الذيب الذيب]

السلام عليكم ورحمة الله وبركاته
تحية طيبة للجميع ومشاركة جديدة في منتد انا المميز والشعلة
ا

لبارحة ياصاحبي ليلي سرا ممسيت به = كنّي على جمرة غضا من حرّها متململي
قام الفكر يطوي طوي لذكريات الغاربة = ذكرى سنينٍ(ن) ماضية يوم الزمن متجملي
في ديرةٍ(ن) يازينها دايم ربيعٍ(ن) معشبه = ياسائلٍ(ن) عنها ترا في وصفها ممايلي
فيها فياضٍ(ن) واسعة بين الطعوس المحدبة = يجري شعيبٍ(ن) شرقها مع واديه متواصلي
في غربها زهر إقحونٍ(ن) ناصعٍ(ن) ماله شبه = طول السنة تلقى عجب من جوّها ياسائلي
في صيفها ولاّ شتاء في حلوها متقاربه = لاجيتها راح الكدر واصبح مزاجي معتلي
عشنا لياليها فرح وأيامنا به طايبه = فيها طراةٍ(ن) للعمر ياليتها ترجع علي
يوم البشر متصافيه وقلوبهم متحاببه = ناسٍ(ن) تشوف افعالهم واقوالهم تجلي جلي
تمشي على درب الهدى ومن المعزّة شاربه = وقتٍ(ن) مضى ماله رجوع ٍ(ن) صافيٍ(ن) مثل أولي