[علي إدريس الغانمي]

[frame="4 60"]

	ردي : بإذن الله بإذن الله تراني هناك إيه والله كراسي كثار.. عليها أنوار .. متربعة نهر ألبان گدامي نهر جنبه عسل طامي ولا أحلى وكووس الماس ممليّة ونهر الماي يتجارى مثل بلوّر.. مسك، كافور.. وبيه الحور واشجار الثمر فوگي تظللني وعليها طيور ثمار تگول يا مبرور تناولني ولا تشبع وصوت الحور يأخذني ولا أهجع وكل ما تبغي تتمنى بلا تفكير..ولا تدبير.. تمر سنين مثل لحظة قصور الماس والياقوت واللولو.. وبيها عسجد و فضة جمالٍ يبهر الألحاظ "ريموت كنترول" ما تحتاج ولا جوال تحتاجه تريد أشعار توصل لك تريد أفكار تحضر لك ولا تحتار بأي لحظة ملوك الدنيا ما تسوى تحت رجلك ولا لحظة الحمد لله الحمد لله تريد الماضي يرجع لك في أي لحظة فرح وسرور.. ورد وزهور.. ولا أحلى... ولا أحلى عطر فوّاح ولا أغلى ..ولا أغلى فرش..سجاد.. حلل ديباج.. جمال الحور يسبيني وصوت البيض يأسرني جمالك يا رسول الله يخلي الجنة تتباهى ونور الآل مثل الاقمار تتزاهى ورضوانك ورضوانك يربي فوگ كل هذا ولا أحلى ولا أغلى ولا أسمى ولا أعلى جمالك يا إله الكون ينسَي الناس في الجنة من اللي فيه نتغنى يرب الإنِس والجِنة الحمد لله الحمد لله تعب ما فيه ولا تزعل ظلم ما بيه ولا تملل وكل اللي فيها يتجدد عبيد كثار ولا تنعد من الغلمان إنس والجان أريد أسكت ولا أگدر من اللي هناك بالجنة تريد أشجار تلگاها على مد البصر واكثر شكلها شلون.. ما وصف لك لأن الساني ما يگدر طيور اشكال ولا تنعد كبير اصغير وصوته دوم يتجدد ولونه ياخذ الألباب قصور اشكال مااحلاها تطول اطول بليا حساب أريد أسكت ولا أگدر من اللي هناك بالجنة تشوف الماي أشكاله نهر صاعد نهر نازل تلاقي بيه كل جوهر مع الأسماك تتبختر خرير الماي ما أحلى شفت شلال يتغنى؟! أريد اسكت ولا أگدر من اللي هناك بالجنة أواني تخلب الألباب من البلور والجوهر طبخ أطباگ ما تنعد ولا توصف من اللذة وريحتها من مسيرة تخلي المعدة مأسورة تريد الحلوى موجودة شكلها يغري المعدة ألف ألفين ؟ لا أكثر طعمها وصفه ما أگدر عصاير ما لها تعداد تجي بالحال مع الأولاد شگول لكم من اللي هناك بالجنة حور العين ما أگدرأوصّفها أصفها شلون ؟ واهالينا..حبايبنا من اللي دخلوا الجنة معانا هناك والأملاك تخدمنا

[/frame]