تحيه طيبه ..
.
.
الطيب سلعه والمراجل نهايب = في جيلنا الاول وفي تالي الجيل
كم واحدٍ يلهث يبا الطيب شايب = (ماهوب شايب شيبته الغرابيل)
.
.
.
.
.
.
ما فيه داعي للإزعاج
قولوا معي ما فيه داعي للازعاج = النفس طابت والليالي قصــيره
عمر البنادم خط واحد ومعراج = بين الديار الاوله والاخيره
وانا هنا مانيب واعي ولا ساج = متحفزٍ لأ يامنا المستديره
اشيل همٍ في كنين الحشا لاج = ما عاد باقي غير ابيح السريره
ما عاد من ضيقات الايام مخراج = الله من سود الليال العسيره
حتى شفا هداج ما عاد هداج =امسى بديره واصبح بغير ديره
عليك يا ملغي عماتيم الادلاج = يا راعي المدات شوق الاميره
الصاحب اللي عاش عمره ولا داج = شبلٍ ما ادور في الرياجيل غيره
لاجله تركت بيوت الاجواد مسهاج = من غير قاصر في رجال العشيره
يا سعود هقوات الرياجيل دلاّج = والورد يكفي منه ريحة عبيره
سلّمتها والباب ما فيه مزلاج = رسالة وسط الضماير كبيره
اما تعود وريحها بالرجا عاج = ولا تضيع وجعل في الامر خيره
سلطان العطاوي