اقتباس:
المشاركة الأصلية كتبت بواسطة صدى الإلهام
ياعين ياللي طاير النوم عنها=قولي متى نرتاح بالله ياعين
المهره الي غاليه في ثمنها=تسوى الذهب والماس عند المودين
ترتاح روحي يوم يسري شجنها= وان عاتبت يحلى عتاب المحبين
اموت بين الخال والعين منها=واموت في البحه وفي طبعها الزين
لامن حكت يهتز منها بدنها =والصوت ترجح له جميع الموازين
تملي الفراغ العاطفي من فتنها=ريانة العود المزين بنهدين
البدر حاكى من جماله وجنها=والليل ساكن شعرها والحجاجين
من شافها سلّم ولا مال عنها = يمشي وراها لو توديه للصين
وصفي لها قاصر ومايمتهنها=بنت الاصول الي تصد المعادين
اهوى تعاليها وقلبي سكنها = من حسنها ماتو عليها السلاطين
يزهى بها بين الخلايق وطنها = تمشي الهوينى ماتهاب الميادين
الي تغرد والهوى قد مكنها=ردت خفوقي صب في عالم الفين
ياوجد روحي يوم قلبي حظنها= غرد حمام الروض واستنهض البين
من لام قلبٍ خبته في خزنها=ربي بصالي العشق يبلاه ياعين
|
الله الله ياسلام عليك
صدى الإلهام صح السانك ,, ,,
قصيدة جزلة من شاعر جزل ومتمكن ,, ,,
لاهنت يابومحمد ولاهان راسك وفكرك ,, ,,
الله يعطيك العافية على هذا الإبداع الجميل ورائع ,, ,,
تحياتي وتقديري ,, ,,