[هاجس نجد]

المشاركة الأصلية كتبت بواسطة عبدالله الشويمان

السلام عليكم ورحمة الله وبركاته..

اليكم هذه الابيات اتمنى ان تصل الى مستوى الاعجاب .

والجرح في قلبي

والجرح في قلبي نزيفه ملايين=الأه والونات ولو كان تعبان
يا عين لا تبكين ناسٍ مقفِّين=حلية سرابٍ قد تقفَّاه عطشان
لو البكا يا عين قرَّب حبيبين=ما كان يدفن بالثرى أي انسان
خبرك بذاك العام يغليك غالين=واليوم مالك من غلاهم تمعان
ايام زلت كنها حلم نيمين=وعند الصحى تنسى ولا كن شي كان
امنولٍ والزين ما يفارقك دين=واليوم فارق والزمن صار خوان
حسبي على العذِّال شبه الشياطين=اللي على الفرقا يغنون يا دان
والجرح في قلبي نزيفه ملايين=الأه والونات ولو كان تعبان
يا عين لا تبكين ناسٍ مقفِّين=حلية سرابٍ قد تقفاه عطشان

وسلامتكم
عبدالله الشويمان-الرعد

صح لسان وعلا شأنك شاعرنا الكبير / الرعد

أثر مأنت بسيط مازلت تحب

لا والله اللي تبي تبكي العين أيام وشهور

وكل إنسان لابد وأن تذرف عينه الدمع على فراق الغالين

إما بفراق دنيا أو آخره

نسأل الله لنا ولكم حسن الختام ورضا الرحمن

تقبل ودي وتقديري

أخـــوك

سعــد العبيــد