[هاجس نجد]

المشاركة الأصلية كتبت بواسطة عبدالكريم العياش

ياخفيف الظل ياكنز العفاف= غير طيفك ماأناجي اي طيف
ورغم ماتعدت من سنين(ن)عجاف = ماعتبرلي غيرك انسان(ن) وليف
ولوسنينك كلها قحط وجفاف = مقتنع في ظل عيدان الخريف
ورغم مابيني وبينك من خلاف = مايتغيّر حب عذري(ن) شريف
رحلتي مابها نهايه للمطاف = لو مشت في وجه تيار(ن)عنيف
ماعثرها حزن ايام الزفاف = والصحاري ضامبه والفصل صيف
بس أنا من قسوة الدنيا اخاف = والامل في شوفتك خيطه ضعيف
خايف(ن)يحصل بدربي انعطاف = فيه أتخبط مثل مشي الكفيف
ثم أذكرلك ولكن مااشاف = صامت(ن) في وحشه القبر المخيف

الشاعر الكبير/ عبد الكريم العياش

صح لسانك وعلا شأنك

عزالله إنك شاعر كبير

قصيدة في منتهى الجمال

لا زلنا نطمع في جديدك

تقبل تحياتي وتقديري

أخــــوك

هاجس }{ نجــــد