اقتباس:
المشاركة الأصلية كتبت بواسطة الصريح العتيبي
القصيده موجهة للاخ الشاعر الكبير/عايض بن سرحي (الصريح)
يالتميمي قل لعايض ليه ضايق ضايق=ليه يزمر راكب الكدلك على الرجليه
قل لابن سرحي اليا سافرت خلك رايق=خل بالك سمح واركب معك هالطرقيه
لاتخلي بيـن طلابـك وبينـك عايـق=وسع الخاطر وعاملهم بحسن النيه
ان زعلت وصرت من لجاتهم متضايق=كدروا صاف المزاج وطالت الورديه
أحد ٍ يطيق المطارق واحد ماهو طايق=مير سامح هالصغار وخل بك حنيه
كانك اغضنت المقدم وانت جندي سايق=ريس المركز يجيداللهجه الهنديه
والكسول اليا تقطع ماه ماهو حايـق=في منامه ينثبر حتى تضيع الميه
بالوفا والصدق انا اعاملك ماني بايق=انتبه تلمس غرا يدعونه الجنيه
رداّ على قصيدة الشاعر الكبير/ناصر الهواوي
ياسلام الله علـى راع الكـلام اللايـق=والعلوم اللي تجيك من الخطاء منقيه
صحصحت ببيوتها اللي من منامه فايق=مثل ماتجلى العماس الدله البريه
من حلاوة طعمها مدري ويش اني ذايق=لاطعم تمرة اخلاص ولاطعم برحيه
كنهـا رديـة القرقـاح وابـن شايـق=بينهم رفقه ارجال وبينهم رديه
وانت كنك من قبل بين الظلوع موايـق=عارفاّ وش نيتي وعلومي الشخصيه
والله انـي للنشامـا والمـروّه تايـق=والصغار ارحملهم تاكلهم السعليه
وان عرضلي في طريق الغانمين مضايق=قلت خلك في عماك وقدمك الدوريه
والنهايـه مرحبابـك يالكـلام الـلايـق=ودي اشكر من كتبك وباحت القافيّه
|
الله اكبر
صح السانك يا اخ عايض وصح السان الصريح
صوت وصدى رائعين يحملان القوه بالتعبير.
دمتم بخير ولا هنتم جميعاً