اقتباس:
المشاركة الأصلية كتبت بواسطة عبدالله الثويني
السلام عليكم ورحمة الله وبركاته
أضعها بين أيديكم ، لعلها تنال القليل من إعجابكم
..
..
أسعد الله مساءك .. ياجميل المحيـٌا=لجل عينك تحايا خافقي حاتميـٌه
الهواجيس زادت .. والمشاعر تريـٌا=دون شوفك حياتي مالها قابليـٌه
أحمد الله وصالك .. ياوليفي تهيـٌا=من بعد طول صبري.. با الليال العصيـٌه
أنتظرتك ووقتي .. زاد جوٌره وعيـٌا=وإنكوى في بعادك خاطري ألف كيـٌه
صافحيني طلبتك..لا تفكٌي يديـٌا=كل لحظه بقربك في حياتي . هنيـٌه
ياضياء البدر قلٌي .. ويش أبي با الثريـٌا=وحدك اللي ملكني وإنت للقلب ضيـٌه
ويش أبي با الخلايق .. دامك إنتي هنيـٌا=لك حياتي وربٌي كل أبوها هديـٌه
ليت قلبك يفكر .. يقضي العمر ويـٌا=من حياته لأجلك .. يعتبرها شويٌه
كل ماشاف زولك .. فز قلبه وحيـٌا=والتحايا وربي لجلكم حاتميـٌه
وسلامتكم ، والعذر على القصور |
العزيز الغالي عبدالله الثويني سلمه الله
مليون صح السانك وعلا شانك
حاولت ان انسخ بيت او بيتين فوجدت القصيده كلها تستحق النسخ هنا
وان ابددددددددددددعت بالختمه وبرعت بالقفله
والتحايا وربي لجلكم حاتميه
اجيرها لك بتصرف
التحايا وربي ال شعركم حاتميه
مليون صح السانك
ولاعدمناك ايه الشاعر النقي
تحيتي